WILLEMSTAD, Corsou – Den un ceremonia cortico na e punto di sosten di Kustwacht na Hato, dos kwartiermeester di Kustwacht Caribisch Gebied (KWCARIB) a wordo certifica como Sensor Operator y dos LTZ2OC di Defensa a wordo certifica como Tactical Coordinator riba e Dash-8, e avion di patruya di KWCARIB. Tur a completa e aña aki e opleiding exitosamente y mientras tanto nan a wordo poni den funcion na Kustwacht.
Minister di husticia, Quincy Girigorie a pone e halanan di e dos Operadornan, mientras cu e Commandant der Zeemacht suplente di kustwacht, KTZ Jan Willeme Boone, a pone e halanan na e dos trahadonan di defensa. Durante e ceremonia tambe otro dos trahado a haya nan gratificacion di funcion for di e punto di sosten principal na Hato, LTZ1, Olav Burger.