CHILE – Cerca di 6000 persona a wordo evacua pa motibo di e incendio foresta cu ta afectando for di diadomingo, ciudadanan di Valparaiso y Viña del mar, na e costa central di Chile y cu a consumi 230 hectarea di tereno, fuentenan oficial a informa dialuna.
E emergencia a mobilisa mas di 700 persona, entre bombero y funcionarionan di Corporacion Nacional Forestal (Conaf), kendenan lo agrega dos avion y binti brigadista durante e hornada di dialuna.
E siniestro a tene trafico stroba durante mas di 12 ora riba e ruta di Las Palmar, entre e ciudadnan di Viña del Mar y Valparaiso, pero dialuna, Carabineronan a habilita e trafico den e luga, indicando cu si ta bon, ainda tin algun candela activo, e huma no lo a afecta e visibilidad di e via.
E oficina Nacional di Emergencia (Onemi) a informa cu a rais di e candela a reporta 16 vivienda cu daño ainda pa evalua.
Respecto na e servicionan basico, Onemi a señala cu e suministro electrico a wordo reestableci den e sectornan afecta pa corte preventivo cu a wordo realisa diadomingo.
Tambe, e empresa di servicionan sanitario a indica cu 2200 cliente a wordo manteni sin awa potabel, aunke e servicio lo repone durante e hornada aki.
Pa loke ta e emergencia, autoridadnan a decreta e suspension di les y actividadnan di docente den e establecimentonan educacional di e ciudad di Viña de Mar.
Onemi a señala cu te na e momento ta mantene Alerta Roja pa henter e provincia di Valparaiso, secun autoridadnan regional a decreta.
Fuente: NTN24