Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Schotlandstraat cu entrante dialuna 14 di januari 2019 for di 9’or di mainta lo bay cera un parti di Scotlandstraat pa asina por cuminsa construi un rotonde na haltura di e crusada di Ling & Sons IGA Supermarket.
E trabounan akinan lo tin un duracion di 3 luna. Desviacionan lo bay ta via Frankrijkstraat y Bushiri.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.