Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Emmastraat, for di e crusada Avenido Alo Tromp / Emmastraat lo inicia cu e trabounan di renobacion Infra Rancho, fase 1.
E parti di Emmastraat cuminsando for di e crusada Avenida Alo Tromp / Emmastraat y e crusada di Kerkstraat / Emmastraat lo bay ta completamente cera pa trafico entrante diamars 15 di November 2016 pa diahuebs 24 di November 2016.
Tur trafico lo wordo desvia via e crusada di Avenida Alo Tromp/ Westraat, pa yega na caya John G. Emanstraat. Lo indica e desvio di e rutanan cu baricada y borchinan di aviso.
Alabes e trabounan di proyecto Renobacion Infra Rancho, fase 1 lo bay tuma luga te cu dia 15 di december 2016.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan y ta pidi pa tene cuenta cu e inconveniencia cu lo por surgi pa cual nos ta pidi nos disculpa.