Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda, Dominicanessenstraat, for di e crusada di Caya Ernesto Petronia pa e crusada di Indianenweg/ Concessielaan y vecindario, cu entrante 9 te cu 11 di November 2016 lo laga cera e parti di e caminda aki pa motibo di trabounan relaciona cu e renobacion di Rosa College.
E trabounan ta encera desmantelacion di e dak di panchi, y pa es motibo aki tin cu cera e caminda. Lo bay cera e caminda pa tur trafico y lo indica e ceramento di caminda cu bari y borchinan di señal pa e desviacion
E trabounan relaciona cu e desmantelacion (di dak) di Rosa College, lo tin un duracion di 3 dia di trabao.
Ta pidi tur automobilista, negoshi y otro usuarionan pa tene cuenta cu e inconveniencia cu lo por surgi pa cual nos ta pidi nos disculpa.