Recientemente Ceque College Mavo a tene su eleccion di Reina. Na e evento aki a participa e siguiente candidatanan Jennifer Huldy (1A), Ashley Wolff (1C), Julia Tromp (2C) y Lendris Geerman di klas (3B). Cada un di e representantenan a presenta un bunita speech y show den nan trahe recicla. Akinan nos miembronan di hurado cu a consisti di: Jeanique de Palm, Lynette do Nascimiento, Zizianne Flemming, Astrid Croes, Roxanne Croes (Aruba Bank) y como presidente di hurado Sergio Winterdal cu tabata tin e tarea dificil y a tuma tempo liber di nan rutina diario pa tabata presente na nos evento. Despues di basta deliberacion nos resultado final tabata lo siguiente: Jennifer Huldy – Reina Hubenil di Ceque College Mavo, cu a bay tambe cu e premio di Best costume, Best show y Best speech. Nos Prome finalista tabata Julia Tromp.
Nos ta duna un danki na tur nos sponsornan cu sin nan, e evento aki no lo tabata posibel. Nos sponsornan tabata ta: High Performance, Aruba Bank N.V. , Notariskantoor MJC Tromp, Do It Center, Wema, Romar Trading, Sams Aruba, Setar N.V., ASD, Tesco, Lings Restaurant, Willy Pan Bakery, Ricuras, Paradera Party Center y La Moderna.
Un danki special tambe na Aruba su Prins y Pancho Hubenil Lixander Lambrinos y Giomir Leocadia, meneer Leest cu a keda encarga cu e parti di dj y sonido, Innovatieteam, colega y famia di Ceque College Mavo cu a contribui na nos evento.