Director ehecutivo di Pfizer, Albert Bourla, a sigura diahuebs, durante un entrevista cu e programa The Claman Countdown, cu e campo di oncologia a converti den e obhetivo nobo di e compania farmaceutico Mericano, awo cu e pandemia di Coronavirus a yega su fin.
“Oncologia ta nos COVID nobo,” Bourla a indica riba e rama di medicina specialisa den e diagnostico y tratamento di cancer den cual nan ta envolvi. El a bisa tambe cu den e compania nan ta sinti nan mes “hopi orguyoso” di nan accionnan pa frenta coronavirus, aunke el a recalca cu e etapa aki “ya a keda atras.”
“Nos kier hacie un biaha maas y mi ta kere cu oncologia ta nos miho oportunidad pa hacie, pero, naturalmente, cu hopi otro area terapeutico,” el a agrega. Den un momento di e entrevista, e presentado di e programa a puntra e CEO di Pfizer, cualnan por t’e “medicamentonan di gran exito” relaciona cu oncologia, na cual Bourla a responde cu lo tabata esunnan cu lo tin “un impacto significativo riba e pashentnan cu cancer.”
Enfoca riba e remedinan contra cancer
N’e mesun momento, Bourla a detaya cu e empresa “tin un desempeño fenomenal di portafolio” di medicamento cu e tecnologia patenta pa tratamento di cancer conoci como “conhugado-anticurpa-farmaco’ (ADC) ta uza, cual a wordo adkiri pa Pzifer na momento di cumpra e compania biotecnologico Seagen.
Un di e medicamentonan aki ta Padcev, cu ta wordo uza principalmente pa trata cancer di blaas. Di acuerdo cu Bourla, e bentanan di Padcev a registra un crecemento di 164% awo cu e catalogo di remedi oncologico ta pertenece na Pfizer: “Esey ta demostra e bon cu a inverti e placa ak,” el a mustra. Segun e website drug.com, e costo di un dosis di 20 miligram di Padcev ta cerca di 2900 dollar.
Por ultimo, Bourla a comenta cu e ta sinti su mes “hopi feliz”, ya cu su medicamentonan ta “yudando hende” y ta agrega cu, despues di revisa e proceso di benta di remedi cu tecnologia ADC, ta premira cu Pfizer lo avansa “pa e supervivencia general di cancer.”
Na maart di 2023, Prizer a anuncia cu nan a yega na un acuerdo di fusion definitivo pa adkiri Seagen pa 43 mil miyon dollar y na december di e aña ey a finalisa e compra di e empresa biotecnologico di parti di e compania.
Februari ultimo, director di oncologia di Pfizer, Chris Boshoff, a comunica cu e ta spera cu e compania tin por lo menos ocho remedi contra cancer di gran exito pa 2030. E website Fierce Pharma a detaya cu Pfizer lo enfoca riba cauter tipo principal di cancer: di pecho, geniourinario, di sanger y toracico, pa cual ya tin producto comercial.
