Entrante september, Centro Kibrahacha lo amplia nan servicio, tambe despues di merdia. Sr. Jeffrey Matos, director di Centro Kibrahacha ta splica.
Kibrahacha lo ofrece diferente workshop ariba diferente tereno, manera di arte, musica, binn cu diferente workshop ariba tereno di e.o., kier stimula hendenan pa den nan tempo liber nan atende mas cu nan hardin, pa nan siña matanan di fruta, specerij, tambe matanan medicinal cu hende grandi por planta denn nan tempo liber.
Tambe lo bin cu workshop di mozaik. Esaki lo ta entrante september y como fundacion ta cuminsa planifica pa e periodo aki, pa cual nan ta en busca di boluntario. Parti mainta e actividad ta sigui normal, pero parti merdia ta bin cu mas actividad ariba parti informativo y educativo y guia. Mainta tin actividadnan di movecion, di obra di man cu ta sigui normalmente. Pero merdia ta amplia nan actividadnan mas educativo. E programacion parti mainta si ta keda mescos. Ta parti merdia ta amplia nan horarioann unda nan ta duna oportunidad na hendenan pa por inscribi. Ya caba a cuminsa cu inscripcion pa les di cuarta. Nan ta traha conhuntamente cu scol di musica y diferente organisacionnan cu despues di merdia lo amplia nan actividadnan cu diferente organisacionnan.
Tin un demanda hopi grandi na Aruba di hendenan cu ta yega e edad di 60 aña cu kier haci algo den nan tempo liber. Y despues di a studia varios rapport ta wak cu tin un necesidad ariba e parti educativo. Entre otro lo kier bay educa e hendenan ariba e parti di tecnologia, con pa traha cu tablet y tambe diferente smartphone, di modo cu tecnologia no ta bay laga e hende grandi, pero nan ta amplia nan conocimento ariba e tereno tecnologico.
Pa e actividadnan aki, ta traha cu boluntario y esey kiermen cu ta traha cu diferente grupo. Ultimo añanan nan a traha cu studiantenan di universidad di Aruba, e.o. Ariba tereno di tablet. Dus tur persona cu tin un tempo liber, sea mainta of merdia, cu kier yuda como boluntario ta bon bini. Cierto tareanan di boluntario, cu conocimente specifico, ariba tereno di tecnologia, pero con pa yuda y guia un hende pa traha cu tablet. Of un persona cu conocimento amplio con pa cultiva mata, tambe por yuda. Un persona cu conocimento di musica, dus riba diferente tereno caminda nan ta en busca di diferente boluntario.
Otro tarea cu e boluntario lo tin ta di chauffeur. Transporte di nos grandinan, ta un enfoke hopi importante. Tin un necesidad di cu hende grandi cu tin miho tipo di transporte, cual ta un necesidad grandi na Aruba, Sr. Jeffrey Matos, director di Centro Kibrahacha a finalisa bisando.