Proximamente Centro Kibrahacha lo cumpli 33 aña di existencia pa cual Sra. Angie Amidjodjo ta elabora ariba esaki.
Centro Kibrahacha lo tin promocion special pa e comunidad di Aruba y full luna di september por inscribi gratis pa club kibrahacha 60+. Tambe door di cu nan ta cumpli 33 aña nan lo amplia nan actividadnan pa despues di merdia, unda nan lo tin cuarta les y tambe workshop di mozaik, di 2 or pa 5 or. Esaki ta vooral pa no miembro cu por join den e actividadnan di depues di merdia. Tambe esaki ta pa esunnan cu ta 55+, y esaki ta door cu nan ta casi yegando edad di pensionado. E mision di e Kibrahacha ta pa e grandinan di Aruba keda mentalmente activo den nos comunidad y como ser humano e ta bon pa curpa y mente.
Sra, Amidjodjo a sigui bisa cu otro siman nan lo tin un charla tocante tecnologia pa 60 plusser pa splica e pakico tecnologia ta bon y of malo, depende con e ta wordo uza. Esaki ta specialmente pa pueblo di Aruba, pa join Kibrahacha. E ta bay ta 9 or y 30 pa 11 or y 30 dia 27, 29 y 31 di augustus. Esey ta pa nan miembro y no miembronan. E ta completamente gratis.
Pa mas informacion por subi e portal di Kibrahacha pa mas update di nan actividadnan y of por yama na 582- 8159.
ACTIVIDADNAN
Pa loke ta actividadnan di merdia, tin peticion pa esaki. Hopi biaha ta wak cu e edad di pensioen no ta 60 mas y hopi di nan ta traha ainda, mayoria di biaha parti mainta. Y despues di merdia no tin nada di haci pa nan y e actividadnan aki ta pa nan tin algo di haci tra’i merdia. No tur hende por ta na Kibrahacha mainta, e meta di Kibrahacha ta pa tur hende ta activo.
CHARLA
Pa loke ta e charla di tecnologia, nan tambe ta welcome pa participa. Nan por bay Centro Kibrahacha ariba 31 di augustus y duna bo nomber na administratie y asina join e charla tambe di mainta. Sra. Amidjodjo a bisa cu nan lo tin un Loopweek den e prome siman di september unda esunnan cu no ta miembro ainda di Kibrahacha, gratis pa full un siman. Nan mes por wak kico Kibrahacha ta haci y si nan ta interesa nan por bira miembro di Kibrahacha.