E fin di siman aki Centro di Famia Piedra Plat lo tin un actividad cu lo cuminsa di 9 or di maitna te cu 4 or di atardi. Lo ta bay tin diferente mesanan, como tambe diferente luganan cu ta bin bende nan cuminda, cosnan organico, lo tin un photo booth, como tambe cuadranan na benta.
Sra. Kathy Figaroa, boluntario na Centro di Famia Piedra Plat a splica cu esaki ta nan prome aña cu nan ta haciendo esaki. Nan tin un proyecto andando, cu ta un proyecto C&C, cu tin 3 aña caba. Pero e aña aki a dicidi pa expande, pero evento aki ta pa yuda recauda fondo, pa por caba loke nan a cuminsa cun’e.
E proyecto aki ta pa hobennan di Scol Secundario. Ta duna bijles, les di musica. Tambe tin actividadnan educativo y creativo pa e hobennan. Cualkier mayor cu ta desea pa nan yiu (nan) participa na e actividad na e fundacion por pasa libremente of yama 568- 7449. Y lo duna e mayornan tur informacion y por pasa pa wak kico tur ta wordo haci na e centro aki.
Ta duna les na papiamento, Ingles, Hulandes y Spaño.