Por a tuma nota cu den siman na Centro di bario y deporte Dakota a tuma luga un eleccion pa eligi un presidente y un bestuur nobo pa e siguiente aña nan dilanti. Como presidente a keda eligi Carl Michael Bikker y miembronan di directiva ta Zolaika Plaza, Iraima Croes, Sharitza Franken, Glennrick Ridderstap, Charles Franken y Marc Thode. Nan ta e personanan cu tin cu dirigi e club pa e siguiente temporada nan dilanti. Presidente saliente Jair Oduber a pasa riba tur loke su persona y directiva a haci y a laga cla tambe a pasa riba e relato financiero y a gradici tur presente pa e sosten y desea e directiva nobo hopi exito.