Manera ta tradicion ya pa algun aña Centro di Bario Savaneta ta organisa su Bazaar di Pasco na comienso di december pa e comunidad di Aruba por pasa bishita. E aña aki nos Bazaar di Pasco ta tuma luga diasabra 3 di december 2023 for di 6.00 pm pa 10.00 pm.
Durante e Bazaar di Pasco lo tin bendemente di varios producto, manera areglo y adorno di Pasco, cos dushi, bela artesanal, ponche crema y mucho mas! Sin lubida nos bar y cushina cu lo ta bon surti cu dushi pasa boca pa e temporada.
Sigur no por falta e entretenimento durante e anochi. Lo tin presentacion di teatro y show di baile di nos muchanan bou guia di Ferdinand Franca. Dj Oasis tambe lo tey pa entretene esnan presente hunto cu Tipico Rooi Koochi y pa clausura e anochi Aguinaldo Flor di Pasco.
Centro di Bario Savaneta ta invita Aruba completo pa bin pasa un rato ameno cerca nos hunto cu bo famia y amistadnan y disfruta di e dushi temporada di Fin di Aña. Bishita nos pagina di Facebook www.facebook.com/CentroDiBarioSavaneta y keda al tanto di tur nos actividadnan cu nos ta ofrece durante aña.
