Centro di Bario Savaneta ta bay tene un Bario Fest, caminda por spera un dia yena cu actividad y informacion. Esaki lo tuma luga diadomingo 29 di juli
Kimberly Boekhoudt, miembro di directiva di Centro di Bario Savaneta, ta splica cu entre otro Santa Rosa lo ta presente cu diferente tent. Tambe ta bay tin diferente departamento di Gobierno y fundacionnan cu ta bin duna informacion tocante e servicionan cu nan ta duna. Centro di Bario lo ofrece tambe Dino Jump pa e muchanan, cushina y bar bon surti, y concursonan manera di pintamento y nominacion di baluartenan di Savaneta.
E meta di e actividad aki ta pa yuda Centro di Bario Savaneta haya fondo pa por sigi crece y ofrece mas di nan servicio. Ta encurasha pueblo pa bin disfruta di e actividadnan aki.
Bario Fest lo tuma luga dia 29 di Juli proximo na Centro di Bario Savaneta.