Despues di hopi aña Centro di Bario Savaneta lo cuminsa cu nan actividadnan pa recauda fondo, pa por logra haci diferente renovacion cu e Centro di Bario Savaneta tin mester pa asina por habri tur e servisionan cu tabata brinda antes na comunidad di Aruba.
Señora Vanessa Djikhoff programa leader, a bisa riba e mainta di conferencia cu e meta ta pa recauda e fondonan necesario pa e renovacion di e cancha di basketball, volleyball, cu tabata hopi popular y stage cu antes a wordo uza pa teatro. Tambe a haci un invitacion na e pueblo di Aruba pa celebra dia 24 di Jun 2023, di 6pm te cu 10pm na nos fiesta cultura di Dera Gay unda lo tin diferente grupo di musica y e compentencia di Dera Gay.