Continuando cu su programa “Trahando Na Un Comunidad Feliz, directiva di Centro di Bario Playa Pabao ta anuncia cu diaranson dia 3 di mes lo organisa un otro curso. E curso cu a wordo batisa bou di e nomber “Biba den Harmonia” tin un duracion di 4 siman. Facilitadonan ta sra Enid de Kort y sra Shasha Kock cu ta dos experto riba e tereno aki. Temanan cu lo wordo trata ta: 1. Pakico mi ta educa na e manera aki. 2. Bo stabilidad emocional ta den bo man. 3. Con pa comunica y resolve conflicto den famia. Cursonan lo wordo duna riba e prome cuater diaranson nan di luna di Mei cu ta 3, 10 17 y 24 di Mei. E orario ta 7’or pm pa 9’or pm y lo no cobra pa participa. Oportunidad pa inscribi ta na Centro di Bario Playa Pabao durante ora di trabou y mey ora prome cu e curso cuminsa. Pa mas informacion por yama na Centro telefon 583-7775. Cursistanan cu participa na tur 4 curso na final lo ricibi un certificado