Feria Social ta un programa cu ta enfoca riba particpacion y liderazgo di hobennan boluntario. Pa Feria Social 2017, Centro di Bario Lago Heights hunto cu un grupo di hoben boluntario lo organisa un show di talento den combinacion cu un anochi di pelicula. Esaki ta e comienso di diferente actividadnan cu lo tuma lugar regularmente na Centro di Bario Lago Heights.
Diadomingo awor 10 di september 2017 Centro di Bario Lago Heights hunto cu hobennan boluntario lo organisa e prome anochi di pelicula y show di talento. E show di talento y anochi di pelicula lo cuminsa desde 5:00 di atardi. Lo tin presentacion di grupo di baile, declamacion di poema y canto dor di hobennan. Varios DJ lo ta presenta pa pone ambiente. Pa 7or di anochi lo pasa e pelicula cu un y tur por disfruta. Bar y cushina lo ta bon surti. E meta principal ta pa trece grandi y chikito, principalmente hobennan bek na Centro di Bario.
Nos ta warda un y tur diadomingo awor 10 di September 2017 na Centro di Bario Lago Heights, cuminsando for 5 or di tardi. Bini uno bini tur!