Diaranson siman pasa Centro di Bario Dakota a cuminsa cu Bingo den Bario! Aki habitante nan di Dakota y Aruba en general tin e oportunidad pa hunga bingo den un ambiente mas familiar y di bario. Compartiendo den un sala espacioso y aire condiciona cu bon ambiente y mas cu cu claro cu bar y cushina bon prepara.
Dakota su Centro di Bario ta uno masha activo y awor su bario ta mas contento despues di anuncia cu tin bingo tur diaranson anochi 7:30 pa 9:00 di anochi.
Presidente actual, Sr.Carmichael Bikker conhuntamente cu su bestuur nobo a bin ta trahando masha activo pa pone diferente actividad social, cultural pa e bario. Masha bon tawata e comentario nan ricibi.
Meta primordial ta pa nos grandi nan den bario por tin actividad cu por ta serca den bario mes. Hopi bez nos grandi nan no tin mucho actividad pa nan den bario, pero Centro di Bario di Dakota no a para keto y durante full dia den siman, di mainta te anochi semper tin actividad pa nos habitante nan y muy en particular nos grandi nan ta den movencion continuo.
Mas di 1400 florin na premio tin tur diaranson anochi durante di e bingo pa un total di 8 wega y cada carchi di bingo ta costa Fl.10,=
Nos ta topa diaranson awor na Centro di Bario Dakota pa grita Bingooo!
