Pa Sr. Chico Harms, e exposicion di Centro di Bario e fin di siman aki lo ta grandi pa cual e ta splica kico tur lo tuma lugar e fin di siman aki na Brazil.
E ta hopi contento di tabata tin e oportunidad pa splica e ultimo detayenan pa e proximo actividad cu nan lo organisa, hunto cu algun persona di Departamento di Cultura. Centro di Bario Brazil ta cla pa invita Aruba completo cu lo cuminsa dia 23 di Juni, cu nan exposicion di nan 6 añanan consecutivo cu nan ta den parada y tambe pa diasabra dia 24, conhuntamente cu e celebracion di San Juan, nan exposicion y e fiesta di San Juan. Diadomingo dia 25 di Juni lo ta ultimo dia di exposicion, combina cu koffiemorgen, musica tipico, caha di orgel y full un dia cultural.
Sr. Harms ta invita pueblo di Aruba completo, pa nan exposicion, unda lo mustra e pañanan cu durante e ultimo 6 añanan e particpantenan a uza durante e parada cultural. Tambe e pañanan di Reina.
E parada cultural, e parada cu lanterna ta dia 1 di September y dia 3 di September lo tin e parada folklore/cultural. E siman aki ta cuminsa cu un actividad specialmente pa yuda e reinanan cu ta bay e aña aki cu ta representa Aruba durante e parada di Corsou of Bonaire, si nan ta desea esaki.
Personanan interesa por yama Centro di Bario 584- 6500 of por bishita Centro di Bario e weekend aki, caminda cu nan por inscribi sea pa candidata pa reina of participa den e grupo, Sr. Chico Harms a finalisa bisando.