Centro di Bario Brazil (CBB) a cumpli 45 aña di existencia, danki na boluntarionan

2 di september 2020, Centro di Bario Brazil (CBB) a cumpli 45 aña di existencia. Como presidente mi kier a duna un danki na tur cu tabata y ta ainda envolvi den e fundacion y actividadnan di CBB.
Awe , 45 aña despues di su fundacion, CBB ainda ta un di e Centronan hopi activo na Aruba, organisando diferente actividad riba tereno di deporte, cultura, arte, baile y workshops den diferente ramo.
Mi kier a gradici e Team Dinamico, Bestuur y Boluntario pa nan aporte y tambe tur esunnan cu ta traha tras di cortina pa aporta na bienestar di CBB.
Gradicimento Special, Pabien y Abraso ta bay pa Grupo Flor di Brazil cu nan 30 aña di existencia, Fundacion Chico Harms y Fundacion Bernadina Growell cu nan 10 aña di existencia.
Tabata nos intencion pa celebra e di 9 lustro den grandi pa pueblo di Brazil y henter Aruba, pero tempo y circunstancia a dicidi otro.
Directiva lo keda pendiente pa na e momento adecua nos anuncia e dia cu nos lo celebra e aniversario di CBB. Centro di Bario Brazil no ta di nos so, pero di Aruba completo.

Comments

comments