Centro di Actividad Rancho cu encuesta tocante Rancho

E siman aki, Centro di Actividad Rancho lo sali ariba caya, hunto cu algun studiante di Universidad di Aruba, cu ta preparando un encuesta cu lo sali diaranson mainta. Sra. Genely Quandt, boluntario di Centro di Actividad Rancho ta amplia.
E encuesta ta pa haya informacion di e comunidad di Rancho y bisindario pa sa kico precies nan kier, social, cultura y educativo pa asina cuminsa mehora e servicio y proyectonan pa asina e comunidad por sigui bin e centro, unda ta haciendo actividadnan, proyectonan social.
E encuesta ta pa haya informacion di e comunidad . Tambe pa haya un bista di kico nan kier, kico nan ta mehora, y tambe kico ta menos den e comunidad cu lo mester mehora.
E encuesta tin 25 pregunta, niun ta personal. Ta preguntanan hopi basico, pero tin di haber cu kico e persona lo kier, mkico e kier cambia. Siguridad di e bario tambe ta forma parti di e encuesta, pa loke ta luz, sushi di bestia, y asina por mehora e bario di tur manera cu por.
Centro di Actividad Rancho ta traha hopi di cerca cu varios instancia, cu Serlimar, cu Cede Aruba. Dus tur eseynan ta informacion necesario, pa sina como NGO sigui mehora nan proyectonan cu nan tin ta haciendo.
Den e encuesta aki, nan lo parti e encuesta den forma di un envelop cu e 25 preguntanan den dje. Den dje e habitantenan lo haya un flyer di informacion, di kico e organisacion ta. Kico ta para pe y kico ta haciendo. Tambe ta bay ta entregando sticker di I love Rancho, pa asina duna un poco forsa na e comunidad, pa nan stima nan bario, sinti nan mes orguyoso di nan bario.
Un tiki promocion tambe pa e bario tambe ta meta di e encuesta, pa loke ta monumento y historia.
Despues di e encuesta fisico, nan lo sigui cu e encuesta online. Tambe lo por tin opcion, cu si un persona no por yega na e centro di actividad, por tuma contacto cu e number ariba e flyer, pa asina por duna poco mas informacion pa asina nan por participa tambe. Esey ta importante.

Comments

comments