Durante un conferencia di prensa yama pa Senso Aruba a duna di conoce e resultado di e proyecto di e Opschoning di e Bevolkingsregister pa cual aki Sra. Sharlin Luidens cu ta e directeur ta splica.
A manda dos carta na 11.436 persona, di un total di e bestand inicial tabata 11929 pero cual tabata tin 493 hende cu tabata sin adres den e bestand di Censo. Di esaki a meld 2394 a meld, door di e oproep di carta y a keda e ora ey 9540 persona cu no a meld y no sa nada di nan. Y asina a bay na publica nan IDnr. tanto den corant y tambe den medionan social, rednan social y website, www.censo.aw
Di esaki a meld 73 persona so, e ora a dicidi ta bay na stap tres pa wak unda e personanan aki ta, a bishita 5050 cas, pa purba localisa e personanan cu a resta. E resultadonan preeliminar a mustra cu 593 persona a meld, di e total na comienso. Y durante e proyecto Censo a schrijf uit 361 persona.
Personanan cu no a meld, Censo no sa absolutamente nada di nan, despues di a haci tur e stapnan necesario, tabata 8336 persona cual 1864 ta di nacionalidad Hulandes, y 6472 persona di un otro nacionalidad.
Sra. Luidens a sigui splica cu Censo kier a haci algo cuidadosamente y a base di esey a dicidi di haci un nacontrole. Es decir cu a dicidi di bolbe bay haci comparacionnan di datos cu DIMAS cu AZV y tambe nos a haci stakeproofnan.
Di otro nacionalidadnan cual Censo a match cu DIMAS a saca for di e bestand aki 6472 hende tin 203 cu tabata tin permiso y door di e stakeproofnan cu a haci, e 203 personanan aki ta biba na Aruba. A bolbe haci uno cu AZV y asina a logra wak cu 483 persona mientras tanto di e proyecto a renoba nan AZV y tambe a sacanan for di e bestand aki. Door di stakeproof y Censo su mesun investigacion a saca un total di 829 persona for di e bestand preeliminar di otro nacionalidad, cu 6472, kitando 829 a resta 5643 persona cu no por a wordo localisa di otro nacionalidad. Esey kiermen cu aworaki den e periodo di dialuna 29 di Mei pa e siguiente dos simannan Censo lo bay schrijf uit, 5643 persona mas di esunnan cu ya caba nan a schrijf uit caba.
Locual cu ta e nacionalidad Hulandes, Censo lo bay haci mesun cos cu e otro nacionalidad. Lo bay haci diferente control, e.o. Comparacionnan cu otro datonan y asina ey lo bay saca tambe kico lo ta e uitschrijving total di e Hulandesnan. Pakico ta bay tiki otro cu esaki? Mester corda cu ta den un aña di eleccion y Hulandesnan tin derecho di voto y mester ta tiki cauteloso pa no schrijf uit Hulandesnan cu ta biba akinan.
E proyecto aki, no solamente ta eenmalig cu Censo a haci, e ta un proyecto cu Censo tin tambe un module cu a wordo cumpra door di FDA cu yama Kicudata distributie, cual e module aki lo waarborg, mantene e registro limpi door cu lo tin comunicacion cu otro diensten wak si e hende no ta biba na Aruba. Censo lo haya mensahenan automatico y asina start un investigacion. Mester tene na cuenta, y esey ta importante. No solamente nos tin responsabilidad como pais, pa mantene e registro di Bevolkingsregister limpi, pero tambe mester tene cuenta cu Bevolkingsregister ta traha pa hende cu ta biba di berdad na Aruba, ya cu ta saca dato di Reino for di dje. Ta saca passpoort for di dje. Y ley di Passpoort ta bisa cu Censo mag di duna passpoort solamente na hendenan cu ta biba na Aruba.
Dus pa eherce un tarea di Reino na un manera drechi y responsabel, Censo, Aruba, ciudadanonan, no solamente eherce tarea di Reino, pero tambe pa nos fondonan social ta sostenibel, mester por mantene esaki limpi, dus personanan cu di berdad ta biba na Aruba, nan tin e derecho di keda inscribi den e Bevolkingsregister, segun Sra. Sharline Luidens, directora di Censo.