Durante un conferencia di prensa yama pa Censo a splica cu mester bay cera 4 dia mirando cu tin cambionan cu mester haci pa e sistema di Censo segun Sharyn Luydens, directora di e departamento.
El a splica cu e dianan aki ta necesario, a base di proyectonan cu mester efectua. E proyecto aki ta un proyecto caminda cu ta bay renoba full e ICT di Censo. Tambe a tuma e oportunidad e ora ey pa haci esaki tambe na e Hulpbestuurskantoornan, y di e manera aki cera pa renoba e infrastructura di e tecnologia y informacion di Censo y tambe e HBKnan. Pa e motibo ey, Luydens a anuncia cu nan lo ta cera dianan 1, 2, 5 y 6 di December. A pidi pa pueblo tene comprension pa esaki. E proyectonan aki ta necesario. E ta necesario pasobra tur e renobacion aki ta trece cun’e cu e servicio lo ta mas rapido y mas eficiente. E proyecto aki lo encera cu Censo lo bay bao di un beheerder nobo cu ta ITP Caribbean, cual lo ta maneha e sistema nobo. Censo a tuma cierto cosnan tambe over, cual ta functioneel beheer y tambe nan tin un omgeving completamente nobo y asina ey por garantisa un servicio mas stabil y tambe mas rapido. Esnan cu a haci afspraak pa paspoort y ID, lamentablemente e dianan cu ta cera Censo no lo por yuda. Ta pidi pa nan por via e email cu nan a haya, nan haci un afspraak nobo of nan por pasa prome cu dia 30 di November y despues di dia 7 di December, pa asina ey por yuda nan.