Dialuna mainta a cuminsa e proceso di recolectamento di firma, pa partidonan sin representacion den Parlamento di Aruba. Sra. Sharine Luydens, directora di Censo a splica con tur cos a canba e dia aki, caminda cu partidonan politico a haci entrega di lista y con su personal a traha pa e dia grandi aki.
Sra. Luydens a gradici su personal,cu a para tras di e proceso y e proceso di e plan. El a sigui bisa cu nan nan pensamento, e dia aki a bay perfecto, pero semper tin caminda pa mehora. E comportacion di e partidonan a bay hopi bon. E comportacion di nos comunidad, tabata algo hopi bon. Nunca el a duda den e comportacion di e comunidad. SI bo duna e comunidad claramente kico ta e reglanan, nan ta atene nan mes na dje. Tambe Cuerpo Policial a traha e dia aki y a zorg pa siguridad di tur hende, cual ta algo di admira, segun Sra. Luydens.
Pa loke ta e team cual a traha duro pa haci e dia aki un exito, Sra Luydens ta hopi satisfecho cu nan trabao. Nunca el a duda den nan. Den nan team, tur tin responsabilidad. Tur di nan, di diferente departamento, tur persona den Censo, ta mesun importante. E unico cos cu nan tin diferente, ta e diferente responsabilidad cu ta bin cu nan trabao.
Manera tur hende sa, e trahadonan di Censo, nan team sa, cu eleccion ta dianan duro y dianan largo. Nan ta custuma y nan ta prepara pa esey, segun Sra. Luydens.
Tin 7 partido cu mester di 578 firma cada uno y Censo tin 4 loket reparti. A reparti e loketnan a base di e desaroyonan. SI ta wak cu un partido ta hopi mas cu e otro, no por keda cu un loket so pa e partido ey. Lo amplia e loketnan, pa asina atende e partido ey, pa asina baha e clientela pa e partido ey, mas lihe posible y asina por bira un tiki mas trankil.
Tin 10 partido en total, di cual 2 tin representacion den Parlamento. Tambe tin UPP/PPA cu a a combina un lista y esey ta wordo considera un lista. Y e lista ey mester di 578 firma. Asina Sra. Luydens a finalisa bisando.