Cientificonan di e Universidad di Texas, na Merca, a descubri cierto mecanismonan molecular cu ta goberna e respuesta adaptativo di e celnan, tanto den raton como den humano. Su trabao por facilita e buskeda di e tratamento contra e efectonan di hipoxia (falta di oxigeno) no solamente como consecuencia di haltura, sino tambe den dolencianan respiratorio y cardiovascular. Pa sobrevivi na e riguroso condicionnan di sero halto, unda cu respiracion ta haci mas dificil cu na nivel di lama, e organismo ta purba di mobilisa mas oxigeno pa e tehido y organonan. Un di e mecanismonan cu ta pone en marcha den e circunstancianan ta e liberacion di adenosina, un molecula cu ta preveni na e fuganan vascular, ta reduci inflamacion y ta contribui na dilata e adernan.
Estudionan previo a mustra cu e exposicion ripiti riba halturanan eleva ta promove un adaptacio mas rapido den ambientenan cu poco oxigeno. E basenan molecular pa splica e fenomeno aki, sin embargo, no ta comprendibel en detaye.
Yang Xia y su grupo di investigado a identifica un proteina celular denomina eENT1 cu ta reforsa e produccion di adenosina den condicionnan di hipoxia. Cientificonan a comproba cu e proteina aki ta degrada ora cu un humano ta riba un altitud y den ratonnan ubica den ambientenan cu poco oxigeno, loke ta faborece un acumulacion rapido di adenosina den plasma sanguineo y contraaresta e daño cu ta causa hipoxia den e tehidonan.
Esey ta precisamente e mecanismo cu ta reforsa depsues di unp rome ascension y cu ta provoca loke cu investigadornan a yama “memoria hipoxica” di e celulanan sanguineo.
Autornan di e estudio ta sugeri cu ta actua riba e proceso di degradacion di e proteina eENT1 por crea espacio pa metodonan terapeutico nobo cu ta evita dañonan cu ta provoca diverso enfermedadnan.
Fuente: http://www.eluniversal.com/