Campeonato HEINEKEN fast pitch den un parti hopi culminante. Diaranson awor na Kudawecha ta bay tin 2 wega hopi interesante. E prome wega cuminsando 7:15pm ta un wega decisivo di Playoff A-Klas. Serie entre Celebreties y Blackhawks ta empata 1-1 y ganado di diaranson ta pasa pa hunga e gran final den un best out of 5 contra Piratas. Pa 9pm tin riba schedule Macuarima Indians vs Balashi Premuim den categoria AA. Macuarima cu 10 victoria ta empata na di 4 puesto cu Balashi Premium tambe cu 10 victoria. Macuarima y Balashi a topa otro 4 biaha y aki tambe nan ta empata cu dos gana pa banda y di acuerdo cu reglamento di campeonato artikel 54 den un situacion asina e ekiponan lo mester hunga (1) wega di deskite di 7 inning completo. Ganador di e wega aki lo drenta Playoff AA na di cuater puesto hunto cu Spuiters, Pizza Hut Monsters, Royal Power esta otro ekiponan cu ya caba a clasifica. Pues diaranson cu 2 wega hopi importante unda 2 equipo lo continua y 2 lo yama ayo na campeonato 2016 y lo mester prepara bek pa campeonato 2017. Fanaticada ta keda cordialmente invita pa bin apoya Bo ekipo preferi. Softball subiendo pa e next level!!!