Celebrities ta knock out Blackhawks lagando Blackhawks lomba contra muraya

Playoff HEINEKEN fast pitch di Aruba Softball Bond a continua diadomingo ultimo riba veld di Kudawecha. Despues cu Blackhawks a elimina Final Touch nan a inicia un serie nobo di best out of 3 contra Celebrities y e ganado di e serie aki lo enfrenta Piratas den e gran final den serie di 5 wega pa determina ken lo bira campeon di Aruba y lo promove pa AA den 2017. Celebrities di Esy Kelly a baha fuerte riba e muchanan di Everick Rincones esta Blackhawks ganando pa knockout. Celebrities 14 careda, 9 hit, 0 eror. Blackhawks 4 careda, 4 hit, 2 eror. Ray Giorgio Bernabela ta bay henter e ruta pa seya e victoria mientras Everick Rincones ta bay cas cu e derota ricibiendo relevo den di 4 inning door di Rodymar Geerman. Miho bateadonan pa Celebrities ta Wensley Kock y Danny Yarzagaray di 3-2, Ray Giorgio Bernabela, Fitsgerald Bislik di 2-1, Genaro Girigorie, Albert Vrolijk di 1-1. Pa Blackhawks a destaca na plato Danilo Croes di 2-2, Brain Dake 1-1, Yerrick de Kort di 2-1. Weganan ta continua diaranson awo na Kudawecha si ta necesario e di 3 wega y alabes Macuarima Indians lo enfrenta Balashi Premuim den un clash di un solo wega pa determina kende lo drenta playoff AA como number cuater(4). Pues softball den gira final. Yega tereno bin apoya bo ekipo preferi.

Comments

comments