CALIFORNIA, Merca- E candelanan mortal cu ta extende na California ta obliga e evacuacion di cientos di miles di residente , incluyendo celebridadnan kendenan a perd enan hogar door di e candela.
Neil Young, Robin Thicke y Gerald Butler ta algun di e famosonan kende nan cas a wordo destrui door di e candela Woolsey cu ta afecta e zona noord di Los Angeles, zuid di California, segun publicacionnan online, publica door di e mesun celebridadnan aki.
Butler a publica ariba Twitter un potret di e restonan carbonisa di su cas na Maliby y el a gradici e personal di Brandweer pa nan balentia.
Thicke a publica un comunicado riba Instagram unda cu e ta gradici e personal di Brandweer y boluntarionan cu ta “riesga nan bida purbando di salba nos cas”.
Den un publicacion ariba su portal oficial unda cu e ta condena e cambio climatico, Young a bisa “ya caba mi yega di perde mi cas door di un candela na California, e biaha aki atrobe”.
Woolsey ta un di e tres candelanan grandi cu ta kimando na California actualmente. Pa diadomingo anochi, e candela a expande na 34 hectarea y tabata controla pa un15%.
Woolsey hunto cu e candela chikito Hill, cu ta cover 1800 hectarea, pero Woolsey a destrui te cu awo 179 structura pero bomberonan ta bsia cu 57 mil otro ta den peliger di kima. Te cu diadomingo anochi, e candea Hill tabata bou di un 78% di control.
E di tres candela, Camp, noord di California, ta esun mas destructivo di e historia di e entidad y esun mas mortal. E candela practicamente a laga e pueblo Paradise den as, destruyendo miles di cas y structuranan. Cerca di 228 persona ta desapareci.
Al menos 31 persona a muri den e candelanan, di cual 29 door di e candela Camp y 2 door di Woolsey.
