Dia 9 di October Renthouse Aruba ta organisando un evento grandi. E motibo pakico ta organisando e evento aki ta pasobra ta existi 20 aña. 20 aña di Renthouse y esey no por haci sin pueblo di Aruba y ta pa e motibo aki ta haciendo e evento aki hopi grandi mes. Lo bay haci un donacion na Stichting Clown Doctors, pasobra nan ta un fundacion cu tin 16 aña Aruba ta pone yen di sonrisa riba cara di nos muchanan na hospital, nos hendenan grandi di Maristella y San pedro y tambe muchanan na Bibito Pin y Dununman. Kier pone mas smile posibel riba e caranan y donacionnan tin cu drenta. Pesey a scoge Clown Doctor Aruba. Ta bay tin un suma pa cada participante ta join pa por haci un donacion na Clown Doctors. Mas hende registra, mas grandi e suma ta.
E Race lo bay tuma luga dia 9 di October. E ta cuminsa pa 5’or y mey di atardi e 10K lo sali y 5’or y 35 e 5K lo sali. E careda lo sali for di Renthouse mes, cual ta na Bubali y lo bay Eagle Beach, bira bay man drechi. E 5K lo bay te na Amsterdam manor y e 10K lo ta na e entrada di Camara di Comercio. Eynan e biradanan ta y lo bay bek oficina, cual lo ta e finish line. Pa tur participante lo bay tin un unique dryfit shirt. Tin dryfit special pa hende homber y pa hende muhe. Tambe tin un website special traha pa e evento aki cu yama www.therenthouserace.com. Akinan por haya tur informacion riba e careda y tambe por registra. Pa esey ta hopi facil. Djis yena e informacion y por paga na oficina mes of por paga via credit card.
Tur persona ta wordo invita pa bin join na e Renthouse Race, pasobra lo bay haci’e hopi gradi y no matter si bo no ta un hende cu bo no ta core largo of cana hopi, bo por participa y toch gana algo. Esey ta algo hopi great pa sa. Lo bay tin hopi doorprize. E partnernan di e 20 añanan cu ta trahando cu Renthouse, ta participa. Entre otro AMC Unicon ta regalando algun doorprize, Digicel tambe ta bay sponsor algun doorprize. Tambe lo bay tin dinnervouchers y hopi mas ta drentando. 1000 persona por inscribi te asina leu. Si 1000 yega, e inscripcion lo para asina ta, haci lihe, pasobra inscripcion ta andando y tin hopi hende ta registra caba pa e careda aki.