Stichting voor Verstandelijk Gehandicapten Aruba (SVGA) a sera e aña di su 55 aña di existencia cu diferente celebracion, incluiendo 3 trahado cu tin 30 anja den servicio di SVGA. Pasadia Briyo di Solo a organisa un bunita fiesta dia 2 di December 2019 pa Sra. Indra Balijn cu a cumpli 30 aña den servicio di SVGA. Indra ta un persona hopi dedica na su trabao cu ta stima su clientenan un mundo. Dia 3 di December 2019 a tuma lugar un celebracion na China Club cu un show di modelahe dor di nos clientenan pa e dia international di persona cu un limitacion. E dia aki ta importante pa conscientisa di e derecho di nos clientenan pa participa na nan manera den comunidad. Dia 9 di December 2019 tabatin e Feria di Alegria pa celebra e dia mes cu nos fundacion ta existi 55 aña. Cu hopi ayudo di volutarionan di EPB, IPA, Ibisa y Rode Kruis e dia aki a bira un éxito rotundo. SVGA kier expresa su gratitud na comunidad pa e ayudo ricibi pa nos por duna atencion na e dia international pa personanan cu limitacion y e dia di nos 55 aña di existencia. Nos ta gradici tur voluntario, Jeon, Pricemart, Calloway Corp, China Club, Andino Ice, D-shop, Geekay, Giselle Department Store, Trash by Ronchi, DJ Alvin Wever, e steelband, Sr. Rochi Geerman y Sra. Darlaine Erasmus, Aruba via rentals & services, Satex, Disney recreaction Aruba, Septic tank meteoro, Partilicious, Ruth cakes, Don Pastechi Factory y DOW pa e tentnan.
Dia 13 di December 2019 SVGA a invita su trahadonan y voluntarionan pa disfruta di un atardi fiestivo pa gradici nan pa e bon trabao cu a wordo haci dor di cada un pa e bienestar di nos clientenan/alumnonan, y celebra 55 aña como fundacion. Nos a pasa un atardi hopi agradabel hunto. Cada departamento di SVGA: Cas Sjabururi, Scol Dununman, Pasadia Bibito Pin, Pasadia Briyo di Solo y Centro man na Obra, tabatin nan celebracion cu cliente/alumno y trahado pa sera e aña den un dushi ambiente. Na Centro Man na Obra a tuma lugar dia 18 di December 2019 un Groovy party, organisa dor di e team di centro Man na Obra, pa e jubilarisnan Sra. Mariela Henriquez-Tromp y Sra. Elvira Arias-Tromp cu tambe ta cumpli 30 aña den servicio di SVGA. Mariela ta un trahado cu semper ta wak mas lew cu su trabao, un trahado hopi fiel y stima dor di cliente y trahado. Elvira a cuminsa traha na SVGA como hoofd di Cas Sjabururi despues cu el a caba su HBO-opleiding na Hulanda. Den menos cu un aña el a cuminsa como hoofd na Centro Man na Obra y te awe e ta un persona hopi dedica na su trabao. Elvira no conoce ora pa trabao y semper ta buscando manera pa e servicio pa su clientenan sigui desarolla.