20 di november ta Dia di Mucha unda cu mundialmente ta pone atencion na e dia aki. Na tur parti tin hopi actividad p’asina celebra nos muchanan. E aña aki Centro di Bario Savaneta tambe ta participa na e celebracion aki.
Nos Centro ta habri su portanan, diasabra 20 di november di 3 or pa 6 or, pa grandi y chikito bin pasa un atardi ameno hunto. Lo bay tin diferente tipo di actividad y weganan manera Giant Domino, Giant Jenga y Life Size Vier op een Rij.
E prome 50 muchanan cu yega cerca nos lo haya oportunidad pa scoge un regalito for di e grabbelton na entrada di Centro. Ademas, lo tin Dino Jump, Face Painting y un Photobooth pa saca potret.
Centro di Bario Savaneta ta invita comunidad di Aruba pa bin pasa un rato ameno yen di entretenemento. ‘Like’ nos Facebook page: Centro di Bario Savaneta y click ‘Follow’ p’asina sigui nos y keda na altura di tur nos actividadnan.
Nos Centro ta tene bon cuenta cu tur rekisito stipula pa DVG pa cu COVID-19. Nos ta recomenda pa laba man frecuentemente y/of haci uzo di hand sanitizer como tambe mantene distancia social. E uzo di un tapaboca ta ser recomenda.