Consulado di Filpinas na Aruba lo celebra nan di 119 aniversario di Independencia, cual lo tuma luga dialuna, 12 di Juni 2017 na Parke Wilhelmina. E dia aki ta wordo conmemora como un dia di Libertad, un dia festivo na Filipinas. Riba e dia aki nan ta recorda cu dia 12 di Juni, 1898 Filipinas a haya nan Independencia for di Spaña.
E aña aki, nan lo ta observando e tema Libertad, Fomenta cambio den Unidad, cu Libertad como e concepto basico di e cambionan inspira den e temponan interesante di antes. Bou di un e liderasgo di nos Presidente di e Republica, Rodrigo Duterte, promoviendo libertad y afectando cambio den un mundo desafiante, e ta implica e autenticidad y veracidad di e intencion di logra un bon gobernacion unda cu e personanan ta disfruta di e vinculo di destino.
Cu e pensamentonan aki den mente, nos kier invita e publico y full Aruba pa bin testifica y celebra cu nos, nos aniversario di Independencia unda cu nos lo rindi honor na e hombernan balente y heroenan di nos tempo cu ta proteha e libertad cu nos ta disfruta awe. Esaki lo ta por medio di e Ceremonia di Hisamento di Bandera y ofrenda floral cual lo tuma luga for di 10 or di mainta te cu 12 or di merdia na Wilhelmina Park.
Un representante di e Embahada di Filipinas na Den Haag, Hulanda lo ta presente pa honra nos evento hunto cu autoridadnan local Arubano y Gobernador di Aruba tambe lo ta presente.
Parti di nos programa lo inclui nos Danza Folklorico Nacional y e Tinikling (baile di Bamboo). Esaki lo wordo presenta door di OHANAZ, e club Hubenil di e Consulado di Filipinas.
Tambe nos lo presenta nos Beyesa Filipino pa e coronacion di Alison Olivar, como e Mini Miss Filipinas 2017, Kate Sabularse como nos Miss Teen Filipinas Aruba y Eris Jean Maestro como nos Miss Filipinas Aruba 2017.
Pa cera nos celebracion nos lo tin un brindis chikito pa impone nos libertad tan aprecia, camaraderia y sentido di comunidad.