anera ta custumber y tradicion pa varios aña mundialmente ta celebra un dia specifo cu ta World Food Day. Manera tur aña esaki ta tuma luga riba e fecha di 16 di October cual tema di e aña aki ta “OUR ACTIONS ARE OUR FUTURE A #ZERO HUNGER WORLD BY 2030 IS POSSIBLE”. Nos actionnan ta nos Futuro; Concientisa y ricibi apoyo y comprencion pa enfoka y yuda caba cu “hamber’ na mundo pa 2030 ta Posibel. Nos tur ta conciente cu ainda den e mundo moderno aki tin personanan rond mundo cu ta pasando hamber. Nos por tuma un ehempel cerca di nos mes manera Venezuela cu ta pasando den e peor momentonan di nan existencia.
Nos di Departamento di Agricultura, Cria y Pesca Santa Rosa nos tambe ta tene e fecha aki pa conscientisa riba e dia. Nos celebracion mes di Dia di alimentacion ta diadomingo 28 di oktober cuminsando for di 9’or di mainta dunando oportunidad na nos productornan local pa expone loke nan tin di cosecha.
Den nos mercado semper ta haya productonan cu masha poco bo ta haya tur caminda. Nos bishitantenan semper ta un placer pa bishita nos mercado y saboria entre otro un dushi plata di cuminda autentico Arubano manera Papaya Stoba. E diferente sopi cu lo bai tin nos ta sigur cubo mester por haya un dibo gusta. Sin papia mes di tur otro plato di cuminda cu lo bay tin.
Pa esunnan cu ta busca productonan traha pa nos hendenan local manera producto natural ta aki mes bo mester ta den nos Mercado. Lo bai tin productona pa cabey, remedinan di tera, habon den diferente fragancia. Productonan di Aloe y completamente natural. Asina nos por sigui menciona.
Matanan di fruta y ornamental semper ta obtenibel durante di nos Mercado Santa Rosa.
Lo bay tin actividad pa mucha y no lubida riba nos Cunuco Chabelito pa e muchanan por admira nos bestianan mientra cu mayorianan ta hasi nan compras den nos Mercado Santa Rosa.
Pa culmina nos celebracion di Dia di Alimentacion ambiente musical lo bay ta for di 1’or di merdia cu Tipico “Zonido di Antaño” bou direccion di Mario Kelly Jr.
Bo tin un cita cu nos celebracion di Dia di Alimentacion diadomingo 28 di october cuminsando for di 9’or di mainta te cu 3’or di atardi aki mes na Santa Rosa cu nos Mercado Santa Rosa.