Comision Grot di Lourdes conhuntamente cu Pastoornan di Parokia kier invita henter e pueblo di Aruba pa e gran celebracion di La Birgen di Lourdes diasabra 11 di Februari, 2017 na Grot di Lourdes, San Nicolas pa 8or di mainta. Alabes ta informa cu entrante diahuebs 2 di Februari lo cuminsa cu un nobena tur atardi pa 5:30 na Grot di Lourdes unda grandi y chikito ta bon bini, solamente diadomingo dia 5 di Februari esaki lo cuminsando pa 5or. Mundialmente lo celebra e fiesta di La Birgen di Lourdes riba 11 di Februari y aki na Aruba tambe esaki lo no ta un excepcion pa cual ta invita henter e pueblo di Aruba pa uni hunto den e paz y serenidad cu bo ta sinti solamente mey mey di e barancanan na Grot di Lourdes pa e gran celebracion aki. Lo cuminsa pa 7or di mainta cu un procesion saliendo for di Misa Santa Teresita y lo pasa den Weg Sero Preto pa despues bay termina na Grot di Lourdes unda lo tuma lugar un misa pa 8or di mainta unda e koor di muchanan di Divino Niño tambe lo bay ta presente. Hesus a bisa, unda mas cu un persona ta resa na mi nomber eynan mi lo ta presente mey mey di nan, pues ban uni hunto den oracion diasabra 11 di November na Grot di Lourdes, San Nicolas.