Directiva di Playa Pabao en conexion cu Dia Internacional di Hende Muhe, ta organisa un anochi informativo, cu ta trata e tema “Acoso Sexual” (Sexual Harrasment). Sr. Dennis Burke, di Centro di bario Playa Pabao ta amplia.
E actividad aki ta wordo organisa hunto cu Elka Association y tambe cu ELSKA Foundation. Orador invita pa e anochi aki a Sra. Abigail Arends. E tema, manera bisa caba ta Sexual Harrasment. E anochi aki tambe, despues di cu e charla tuma luga, lo tin un ora social cu presentación di Quincy Hasham, Ruthy Vrieswijk, Omaira Britten y tambe e duo di Playa Pabao, Derwin Kemp y Ron Martis.
Un invitacion na tur hende muhe cu kier sa mas di e tema, pa bin celebra hunto cu famia, diahubes dia 8 Maart na Centro Playa Pabao. E actividad lo cuminsa pa 7 or y lo termina pa 9or. Pa e prome 50 hende muhe cu presenta, lo tin un recuerdo.