Riba Dia di Rey, directiva di Centro di Bario Playa Pabao a organisa su tradicional pustamento di flie. Un cantidad di 160 flie a participa den tres categoria. Categoria A di 10 cm pa 50 cm, categoria B di 51 cm 100 cm y Categoria C di 101 cm pa 200 cm. Inscripcion a habri mainta 7.45’or y ya pa 9.30’or e competencia a start cu a dura henter ya anochi pa mas o menos 6.30’or e resultadonan tabata conoci. Mester menciona cu durante e actividad tabatin oportunidad pa baila y hopi a haci uzo di e oportunidad pa los nan pia. Tambe a organisa un torneo di domino na unda e team di Madiki Kavel tabata e ganado. Aki ta sigui e resultado di e pustamento di fli.Categoria A: Na prome luga Rayven Orman, na di dos luga Erol Kock y na di tres luga Erol Kock mientras e premio mas original a bay pa Rayven Orman y flie mas bunita a bay pa Raymond Orman. Categoria B: Na prome luga Camp Boys , na di dos luga Kadushi Largo Boys y na di tres luga Bushiri Boys mientras e premio mas original a bay pa Zyron Todd y flie mas bunita a bay pa Kaseyanne de Mei. Categoria C: Na prome luga Junior Maduro, na di dos luga Johnny Henriquez y na di tres luga Beanne Quandt mientras e premio mas original a bay pa Orlando Arends y flie mas bunita a bay pa Jillian Geerman. Directiva di Centro di Bario Playa Pabao ta gradici boluntarionan cu a yuda pa haci e actividad aki exitoso, Fantastic Garden cu a haci e tereno limpi y Prins Bernard Cultuurfonds y Cede Aruba pa nan sosten financiero.