Manera ta custumber, cada aña mayornan di muchanan di Trupial Kleuterschool ta bini hunto pa traha un bunita sorpresa pa nan yiu, relaciona cu Dia International di Mucha dia 20 di November
Diahuebs anochi dia 10 di November mayornan conhuntamente cu e maestranan a pasa un rato agradabel, relahante, creativo y talentoso. E regalo ta un obra di man creativo y original. Diahuebs 17 di november tur mayor por a aprecia e obranan pa medio di un exposicion na scol. Nos muchanan hunto cu e team di maestranan ta gradici tur mayor pa nan tempo y atencion, amor y dedicacion ricibi.
Un danki pa alegra e curazon di nos muchanan. Sigur e muchanan lo ta feliz cu un regalo traha door di mami y papi. Y nos di Trupial Kleuterschool kier desea tur mucha di Aruba un feliz dia di mucha.