En conexion cu dia di Himno y Bandera directiva di Centro di Bario Playa Pabao ta organisa un actividad cultural riba 18 di Maart.. Riba e programa tin e.o. baile di sinta, diferente grupo tipico y bailenan folklore. E baile di sinta ta tuma luga merdia pa 3’or. Tambe lo tin cuminda crioyo, soppi y sanger yena. E actividad ta cuminsa merdia 12’or y ta termina anochi 8’or. Durante di e actividad lo haci entrega di e premio Cultural Playa Pabao 2017 na Felix (Chucho) Hoek. Directiva di Centro di Bario Playa Pabao ta invita e bario di Playa Pabao y Aruba en general na e actividad aki. Johnathan Croes y diferente ganado di e festival un canto na nos Himno y Bandera tambe lo duna presentacion. Un danki ta bay na Cede Aruba, Stichting Prins Bernard Cultuurfonds y Gobierno di Aruba pa e sosten financiero.