En conexion cu dia di Himno y Bandera directiva di Centro di Bario Playa Pabao ta organisa un actividad cultural riba 18 di maart.. Riba e programa tin e.o. baile di sinta, diferente grupo tipico y bailenan folklore. E baile di sinta ta tuma luga atardi pa 5.30 ’or y ta bou direccion di sra Lia Lopez. Tambe tin cuminda criollo y soppi. E actividad ta cuminsa merdia 12’or y ta termina anochi 7’or. Durante di e actividad ta hasi entrega di e premio Cultural Playa Pabao 2018 na SV Riverplate. Directiva di Centro di Bario Playa Pabao ta invita e bario di Playa Pabao y Aruba en general na e actividad aki. Jonathan Croes y diferente ganado di e festival un canto na nos himno y bandera tambe lo duna presentacion. Pues dia 18 di maart nos ta topa na Centro di Bario Playa Pabao.