Diasabra prome di juni tabatin e competencia Arte di Palabra (AdP) ABC, competencia y intercambio cultural entre e islanan ruman Aruba, Boneiro y corsou, na K- Center Corsou. Delegacion di Aruba a biaha dia 30 di mei cu 11 hoben, kende a cay den premio di AdP na Aruba. Diabierna 31 di mei, e participantenan di islanan ABC a intercambia cu otro den un wega di “scavenger hunt” na centro comercial Sambil.
E aña aki AdP Corsou a celebra e di 25 edicion continuo di e competencia literario pa alumno di enseñansa avansa na Papiamento. Competencia unda ta celebra talento di nos hobennan y nos idioma Papiamento/u.
Durante di e programa, banda di e competencia tabatin entrega di e tapushi literario, cual ta un contribucion valioso na Papiamento. Di Aruba e baluarte tabata sra. Esmeralda Tromp Jacobs, di Boneiro sr. John Leoneta y sra. Anette Magalie Sumter y di Corsou sra. Stella Pieters Kwiers, sra. Rose Mary Allen, sr. Charles do Rego y Radio Hoyer.
E actividad a conta cu presencia di Minister di Enseñansa, Ciencia, Cultura y Deporte, sr. Sithree van Heydoorn, cu a hiba palabra na cuminsamento di e programa. El a para keto na e union cu idioma por trece y esaki den relacion cu Arte di Palabra.
Despues di presentacion di tur participante, representantenan di islanan ABC a intercambia regalo cu otro pa despues sigui cu e resultado.
AdP Aruba ta gradici un y tur cu a aporta cu nan tempo y dedicacion pa asina nos hobennan por a experencia e bunita festival di intercambio aki.
Riba pagina di facebook “Arte di Palabra Aruba” y “Departamento di Cultura Aruba”, por mira diferente potret di e delegacion di Aruba na Corsou, cu a bay bishita entre otro e parke di Mangrove.
Aki ta sigui e finalistanan di e competencia di poesia y storia cortico di Arte di Palabra Aruba, Boneiro y Corsou.
Categoria C pa poesia original, Klas 3-6
1. Nilda Pinto SBO Brievengat, representa pa Juraily Meulens, klas 1, cu e poesia Historia di mi rais – autor: Juraily Meulens.
2. VSBO St. Jozef, representa pa Furgentley Jamanica, klas 3, cu e poesia Kon bo por sa di futbol – autor: Keondry Martina.
3. Nilda Piinto SBO Steenrijk, representa pa Edisha Oliana, klas 1, cu e poesia Bida – autor: Edisha Oliana.
Categoria F pa cuenta original, klas 3-6
1. VSBO St. Jozef, representa pa Giandrick Crispulo, klas 4, cu e cuenta Rey cu su sinku – autor Giandrick Crispulo.
2. Liseo Boneriano, representa pa Juliandre Piar, klas 3, cu e cuenta Korekto i no perfekto! – autor: Juliandre Piar.
3. SPU (Skailh Pre Universitario havo/vwo), representa pa queennara Mambi, klas 4, cu e cuenta Wela, brasa di heru – autor: Queennara Mambi.
Categoria E pa cuenta original, klas 1-2
1. Kolegio Alejandro Paula, representa pa Kymani Martijn, klas 2, cu su obra E mei ora di Onkai. Autor: Kymani Martijn.
2. Abraham de Veerschool, representa pa Eden Antersijn, klas 2, cu su obra E fruminga bailado. Autor: Eden Artersijn.
3. Liseo Boneriano, representa pa Maycy Trenidad, klas 2, cu su obra Banki Blanku. Autor: Maycy Trenidad.
Categoria A pa poesia existente, klas 1-2
1. Liseo Boneriano, representa pa J’shua Davelaar, klas 1, cu e obra Universo. Autor: Jeaniro Dorolhea.
2. SGB, representa pa Dazhina Mansveld, klas 1, cu e obra Motibu di mi regreso. Autor: Johnrick Anthony.
3.. Joseph Civilis VSBO, representa pa Ri-Angely Scoop, klas 1, cu su obra E Ser. Autor: Derickson Ellensburg.
Categoria D pa cuenta existente, klas 1-2
1. Liseo Boneriano, representa pa Kaylee Winklar, klas 2, cu su cuenta Aña 2024 muhenan a emansipa. Autor: Johnrick Anthony.
2. Liseo Boneriano, representa pa J’shua Davelaar, klas 1, cu su cuenta Boutismo di Mirecha e popchi. Autor: Jeaniro Dorolhea.
3. Joseph Civilis VSBO, representa pa Leeyendrely Valentijn, cu sucuenta Mi popchi di boter. Autor: Shenyo Bokshoven.