Diadomingo ta di cumpleaños sra Maria Rufina Bikker-Krozendijk, mihor conoci como Mama Fina. E mainta Pastor Jairo Maduro di Misa di Santa Cruz a bin haci un misa special pe na cas den compania di famia completo.
Mama Fina a nace na Aruba dia 2 di aug 1920. E la casa cu Felipe Bikker, Felipe Bikker (Papa Lipi) QEPD, Papa Lipi a fayece na anja 2000.
Mama Fina a nace y a biba den e bario di Seroe Biento practicamente henter su bida. Di e matrimonio a nace 6 jui, 1 a fayece (Jacobo Bikker) y tin 5 jui na bida 4 muher y 1 homber, Fon Bikker, Ina Marin-Bikker, Rita Peña-Bikker, Maria Figaroa-Bikker y Martina Franken-Bikker.
E tin un totaal di 12 nieto/nieta, 24 bisanieto/bisanieta, 5 tatara nieto/nieta.
Tur mainta e juinan, ta bin disfruta di un dushi coffee hunto Mama Fina. Atardi semper e cas yen y Mama Fina den bon compania di su juinan y nietonan, subrinonan y bisinjanan.
Semper e la gradici Senjor Hesus y Mama Maria pa a bendicione cu un famia asina bunita y dunando e tur forsa pa e por a biba asina hopi aña.