Den un echo tragico cu a sosode ayera den Kaya Palomba, Willemstad, Cedric Engelberto Maduro, di 69 aña, a fayece despues di un discusion fatal entre dos homber. Polis, cu a yega rapidamente despues di e informe, a haya Maduro cu multiple herida di bala.
A pesar cu ambulance a bin, ya no por a haci nada mas p’e n’e sitio. E incidente, cu a tuma luga a base di un disputa cu a escala, a pone enfasis riba e consecuencianan scur di tal conflicto.
E hombernan envolvi, cu no tabata famia, pero si yega n’e famia pasobra nan a crece hunto, a wordo involucra den un discusion cu a caba den e uzo di un arma di candela di parti di e homber di 64 aña di inicial RAC.
El a tira varios biaha riba Maduro, resultando den su morto. Polis a confisca un arma di candela y varios huls di bala y e sospechoso a wordo aresta. Awo e ta den prizon preventivo en espera di mas investigacion.
Autoridad ta sigui cu nan investigacion pa clarifica completamente e circunstancianan cu a hiba n’e incidente tragico aki.