Dia 7 di November ultimo CEDE Aruba a habri su portanan na su localidad nobo. Centro pa Desaroyo di Aruba (CEDE Aruba) ta existi desde 1980. Nan trabao durante e ultimo 36 aña ta encera pa promove desaroyo social na Aruba. Durante e ultimo 2 añanan, CEDE Aruba a sostene diferente di Stichting Rancho su proyectonan, entro otro Dia di Bisiña, Tempo pa Click, Aruba Doet, Adopt An Alley. Stichting Rancho lo sigui traha conhuntamente cu CEDE Aruba den implementacion di diferente proyecto di bario. E Centro di Actividad Rancho lo hunga un rol importante den e futuro proyectonan aki.
Durante e opening di CEDE Aruba su oficina nobo, Stichting Rancho a haya oportunidad di ‘network’ cu diferente instancia di Hulanda. Director di Stichting Rancho Sr. Clifford Rosa a haya oportunidad di papia cu instancianan manera Oranjefonds, Stichting Kinderpostzegels, Samenwerkende Fondsen, y mas. Stichting Rancho ta desea CEDE Aruba exito y a haci entrega special di un potret riba canvas di e Tanki di Awa den Rancho na director di CEDE Aruba, Sr. Daniel Tecklenborg.
Fuente: http://www.stichtingrancho.org