Comision Celebracion di Dianan Nacional ta uni cu UNOCA p’asina aki engrandece mas ainda n’e diferente organisacionnan cu pa varios aña a bin ta organisa festival di dande riba nos Isla. E biaha aki lo bay tin cinco evento di Dande. Interes cada aña ta crece pa loke ta nos Festival di Dande. Entre otro tin Fundacion Chico Harms cu lo bay tin un Show di Dande dia 27 di december. Tin tambe Comision Promove Cultura cu competencia di Dande Infantil y Hubenil, cu lo tuma luga dia 28 di december.
Fundacion Arugaldo a uni UNOCA y CCDM pa yuda en grande nan actividad di Dande cu ta programa pa tuma luga dia 29 di december. Tambe tin Fundacion Cultural di Festival Folklorico, conoci den pueblo Festival di Dande di Harry en feliz memoria, cu tambe lo tuma luga dia 29 di december. Algo extra cu a bin acerca di e cuater shownan aki cu ta conoci, lo bay tin tambe e aña aki un Paranda di Dande riba Trailer, poni pa tuma luga dia 29 y 30 di december, cual ta un concepto hopi diferente.
Ta contento cu e biaha aki, hunto cu UNOCA, CCDN ta forma un asociacion p’asina brinda sosten na tur e organisacionnan cu tin como meta pa engrandece e festival di Dande.
