Actividad di Negoshi
Durante e di tres trimester di 2018, negoshinan cu a participa den e encuesta a indica un nivel di confiansa modera, cu un preocupacion pa condicionan den e futuro cercano. Durante e trimester bou reviso, e ‘Business Perception Index’, cu ta consisti di e indicenan di condicionan economico actual y condicionan economico a corto plaso, a baha cu 0,5 punto di porcentahe te na 99,0. Di mes manera, e indice di condicionan economico actual a baha cu 0,2 punto di porcentahe te na 100,3, mientras cu e indice di condicionan economico a corto plaso a registra un caida di 1,4 porciento te na 97,0 (Grafiek 1) .
Grafiek 1: ‘Business Perception Index’
Condicionan economico na Aruba, y actividad di negoshi, tabata tin un impacto negativo riba e percepcion di e negoshinan den e encuesta, pa loke ta trata nan perspectiva riba condicionan economico actual y condicionan economico a corto plaso. Den e di tres trimester di 2018, e ‘Business Perception Index’ a bira mas pesimista debi na e resultado negativo di expectativanan relata na condicionan economico a corto plaso.
Grafiek 2: Componentenan di e ‘Business Perception Index’
Durante e di tres trimester di 2018, condicionan di empleo tabata relativamente dinamico. E negoshinan den e encuesta a registra crecemento y caida den cantidad di empleado. E cantidad di negoshi den e encuesta cu a registra ganashi durante e trimester bou reviso a subi compara cu e trimester anterior, sinembargo, e porcentahe di respondentenan indicando un caida den benta a crece. Desaroyonan relata na costo di labor a permanece relativamente stabil compara cu e di dos trimester di 2018, unda cu mayoria respondente a raporta subida den e promedio di costo di labor.
Tabel 1: Percepcion di desaroyonan den empleo, ganashi, benta y costo di labor (Den porcentahe di tur respondente)