Ayera nochi, cuminsando fo’i 8’or te cu 3’or di marduga, Renaissance Convention Center a bira e centro di fiesta di mas grandi, ora cu el a ricibi un multitud di persona pa experencia Caya Paden, organisa pa Champagne Carnival Group.
Tabatin un line-up hopi atractivo e anochi aki, ya cu Buleria, Tsunami, Ataniro y DJ Ski, hunto cu e artista internacional Wetty Beatz a buta wet y cende e luga na candela.
Sigur un anochi inolvidabel y cu yen di ambiente, convertiendo e evento den e Jump In di mas grandi na Aruba.
Riba e imagennan bo por mira pa bo mes con yen e luga tabata y tambe uno hopi colorido.