Presidente di Mambo, Sra. Marjorie Vermeer-Luidens, ta comenta cu Caya Grandi tin futuro cu sosten di tur banda.
Sra. Vermeer-Luidens ta cuminsa na splica cu ARIA ta un fundacion cu a wordo crea dor di Minister Presidente pa trata cu Caya Grandi y su alrededor. Esaki ta conta pa San Nicolas tambe. E no ta compronde pakico, siendo cu tin hopi representacion caba cu no ta wordo atendi cun’e, pero asina mes ta comenta cu Mambo ta para tras di e decision aki.
Nan a pidi un cita cu ARIA pa wak kico ta bay wordo haci y ta resulta cu ARIA kier tuma e plichtennan over. Mambo kier bira un bid oficial cu nan propio rechtspersoon, e ora nan como comercio ta papia cu Gobierno. Di acuerdo cu sra. Vermeer-Luidens, e idea ta bira cu ora tin un organisacion manera un Mambo bid cu ta representa comercio y ta traha hunto cu Gobierno, nan lo controla tur e aspectonan cu mester drecha den Caya Grandi y raporta esaki na Gobierno pa nan por ehecuta e trabounan. E ta sinti cu pa hopi tempo caba comercio tabata bastante inactivo durante e temporadanan di renobacion y awo ta momento pa realisa e meta pa duna bida atrobe na Caya Grandi.
E ta mustra cu comerciantenan mester por coopera, cambia nan orarionan di servicio y mantene nan negoshinan activo te den oranan di anochi p’e turistanan. Pero nan mester sosten di Gobierno tambe pa por promove esaki y traha hunto cu ARIA.