Dialuna mainta a tuma lugar un conferencia di prensa pa asina Setar NV, Obit y gobierno duna informacion cu pronto lo tin wifi gratis den Caya Betico Croes y algun parti di Oranjestad. Sr. Stanley de Marchena di Obit ta splica mas ariba esaki.
Na Plaza Chipi Chipi ta caminda cu gobierno lo haci apertura oficial di sistema di wifi pa Caya Grandi. E fase aki lo wordo yama e prome fase, tin un bon area di Caya Grandi cubri caba. Sr. De Marchena kier a yama danki na Setar, principlamente pa nan ayudo y colaboracion y nan insistencia di pone e wifi traha 100%. Tambe Sr. de Marchena a gradici tur e tiendanan cu a duna un man pa e cooperacion pa por instala cierto ekiponan na e edificionan, manera Penha, Aldo, CMB, e area di Nikky Habibe. Asina a logra coordina pa henter e sistema ta operacional 100% riba e henter caya pa comienso di October. Kisas e por ta prome, pero e promesa ta pa e cuminsa comienso di October.
Palabranan di gradicimento na Ministerio di Asuntonan Economico, Minister President y tambe na tur esunnan cu a cubri e apertura di e sistema di wifi pa Caya Grandi.
E sistema di wifi ta cubri Plasa Daniel Leo, Caya Grandi, te cu Plaza Nikky Habibe y e ta diseña 100% pa cubri Caya Grandi. Pa Orbit e ta un servicio mas cu gobierno a facilita pa no solamente bishitantenan pero tambe e comerciantenan mes. Sr. Stanley de Marchena ta spera cu esaki yuda trece mas trafico di publico den Caya Grandi.