DUSSELDORF, Alemania – Un hoben di 19 aña a wordo condena pa 5 aña y mey den prizon den e ciudad Aleman di Dusseldorf, door di a viola y horta un dama di 90 aña. E homber a aparece dilanti corte na Dusseldorf y a confesa tur cos.
E culpabilidad di e homber a wordo comproba a base di rastronan di DNA. E señora di edad respeta tabata den misa ta cende bela diadomingo, 2 di October, net prome cu e incidente.
Menasa cu morto
E homber a atak’e den un caya den centro di Dusseldorf. El a menasa e muhe cu morto si e no a keda keto.
Despues di e violacion e homber, naci na Marocco y biba na Spaña, a huy. Polis a logra hay’e a base di imagennan di siguridad y tambe descripcionnan duna. El a bin Alemania pasobra na Spaña tambe e tabata wardando riba castigo di prizon.
Fuente: RTL Nieuws