E cantidad di casonan nobo di infeccion di coronavirus na Hulanda ta bahando pa awor bayendo na e di dos siman segun nan departamento di salud ta informa, bisando cu esaki ta un rebaho cual ta e prome efectonan di e lockdown completo cu nan a introduci den December.
E anuncio a bini algun ora prome cu e mandatario, prome minister Mark Rutte tabata spera di anuncia cu lo extende e lockdown pa asina sigui na purba rebaha e brote di e virus mas ainda, mientras ta trata cu e variante nobo di e virus cual a wordo detecta na UK. E cantidad di morto na Hulanda por medio di Covid19 awor ta ariba di 12,500.
Diaranson pasa, un programa masivo di testing a inicia na un municipio pafor di Rotterdam, despues cu a detecta un cluster di infeccion liga na un scol primario, incluyendo 30 caso di e variante nobo. Hulanda tabata tambe e ultimo pais den union europeo pa cuminsa vacuna contra covid19, brindando esaki na esnan cu ta traha den sector medico y cuido prome. Bao di e lockdown actual na Hulanda, tur scol y [non essential] shops ta cera, lugarnan publico manera cinema, museo y bibliotecanan tambe, como tambe limitacion stricto riba e cantidad di hende cu por aglomera paden y pafo di un establecimento.
Fuente: AP NEWS