DEN HAAG, Hulanda- E comision cu ta hibando un investigacion relaciona cu violencia den e cuido hubenil, ta investiga tambe casonan di abuso sexual den internadonan pa muchanan sordo y ciego. Ya caba tabata tin algun señal cu casonan asina ta tuma luga den e internadonan aki, y un investigacion preeliminario a mustra cu un investigacion cientifico ariba violencia fisico y psyquico ta un necesidad.
Esaki a comision, bou guia di presidente Micha de Winter, a duna di conoce diahuebs. Segun de Winter, ta importante pa e victimanan di violencia haya un voz. “Ta trata aki di muchanan cu pa motibo di nan handicap ta mas vulnerabel”, segun De Winter, cu ta haci un apelacion na victimanan pa nan meld nan mes.
E meldpunt di e comision a ricibi ya caba 540 melding, di cual segun calculonan, cinco di nan tin di haber cu internadonan pa muchanan sordo y ciego.
Fuente: www.detelegraaf.nl